活動

呢度會簡略介紹下成個學年入面會發生嘅事。請注意，呢啲活動每年都可能會變。

九月

照相日

開學頭幾日就會幫你影學生相,相片會流傳千古喺校刊入面。

Terry Fox 慈善跑

你有半堂時間喺學校周圍行下，周圍都會有啲攤位。不過同班朋友一齊出嚟玩都幾開心㗎！

橙衫日

著返件橙色衫，等大家關注返以前原住民所遭受嘅暴行。

十月

學會週

各個學會會喺十字路口附近擺攤位，趁呢段時間周圍睇下，睇下有無邊個學會啱你玩！返學唔係淨係得讀書㗎。

家長教師面談

如果家長想見老師，就要提前預約。記住名額有限，通常一推出就即刻爆滿。大多數老師仲會提供兩個位，俾學生嗰晚幫手做義工，可以攞到兩個鐘義工時數。

皮埃爾·杜魯多生辰

有蛋糕食！

秋季精神週

大多數嘅精神週都差唔多：著指定顏色嘅衫、著睡衣、或者著啲古靈精怪嘅嘢，例如滑雪裝備。

Fall Fiesta

喺 2025/2026 學年取代咗 Blizzard Bash，但其實換湯不換藥。有美食車、學校周圍有遊戲攤位，最重要係有鬼屋！（嗰度係唯一值得排嘅地方）除咗嗰度之外，你基本上就係同朋友周圍行下、hea 下。或者返屋企都得，隨你鍾意！

十一月

帶仔女返工日

如果你父母係喺屋企做嘢嘅話，咁你就爽喇！！

半正式舞會

如果你有朋友一齊去，我保證呢晚會係你人生中最正嘅一晚（可能係啦）。嘢食就一般般，但音樂好大聲，氣氛好熱鬧。

十二月

食物募捐

每班都會帶啲罐頭食品或者其他物資返嚟，籌得最多嘢食嗰班可以有doughnut party（或者其他嘢）！

Winter Melodies

Trudeau Music 會喺 Markham Flato Theatre 表演。記得去睇佢哋嘅演出呀!!

冬日市集

各個學會會賣嘢食，記得帶現金！

Blizzard Bash

即係冬日版嘅 Fall Fiesta

一月

總結評核季

大約喺十二月底到一月初，你會開始收到啲總結性作業（culminatings）。千祈唔好拖！啲 project 同埋要溫嘅書加埋一齊會令你壓力爆煲。呢段時間會係你成個學年最忙嘅時候，請你嗰兩星期一定要「入定狀態」搏命。

考試季

通常喺一月最後嗰兩星期。時間表通常係第 1, 2, 5, 4, 3 堂。無考試嗰日就唔使返學，而且考完可以超早放學！老實講，比起考試前嗰段時間，考試期間反而仲輕鬆啲。

二月

戀愛週

即係以戀愛做主題嘅精神週。

學校大對抗

都係精神週，但係要同Markham其他學校競爭，參與得越多，我哋學校就越多分！

三月

春季精神週

即係春天版嘅精神週。

四月

五月

Spring Harmonies

春季版嘅Winter Melodies

六月

Blazers Bash

即係夏天版嘅 Blizzard Bash

總結評核季

就好似一月咁,你會畀無數大型project同溫書壓得喘唔過氣。搵到啱自己嘅方法,然後堅持落去。祝你一切順利!!